Temais Vus da survegnir ina multa, perquai che Vus essas ida u ì memia svelt cun auto? Avais Vus dumondas davart la decleraziun da taglia? Vulais Vus lantschar in referendum u evitar che Voss souvenirs da vacanzas vegnian retegnids a la duana? Il portal ch.ch As gida tar questas ed anc tar fitg bleras autras dumondas.

Ils texts dal portal vegnan redigids uschia, che las infurmaziuns èn chapaivlas per l’entira populaziun. Perquai vegni duvrà ina lingua simpla e chapaivla per la vasta publicitad – senza jargon d’administraziun. La purschida stat a disposiziun en las quatter linguas uffizialas ed en englais.

Il dretg e las leschas sa midan cuntinuadamain. Ils cuntegns da ch.ch vegnan examinads ed adattads regularmain. Sche Vus vesais tuttina insatge che n'è betg pli actual sin ch.ch, ans legrain nus d'ina infurmaziun: feedback@ch.ch

Mintga quatter onns, a chaschun da las elecziuns da renovaziun totala da las duas chombras dal parlament svizzer, metta il portal ch.ch a disposiziun ina vasta purschida d’infurmaziuns nizzaivlas davart il tema. Questas infurmaziuns èn il resultat da la collavuraziun tranter la Chanzlia federala, ils Servetschs dal Parlament, l'Uffizi federal da statistica ed ils chantuns.

ch.ch respecta las directivas da la Confederaziun davart las paginas d’internet senza barrieras. Dapli infurmaziuns chattais Vus sin la pagina da la Chanzlia federala.

ch.ch è in portal cuminaivel da la Confederaziun, dals chantuns e da las vischnancas. El è vegnì mess en la rait per l'emprima giada l'onn 2004. Responsabla per il cuntegn, per il concept e per la gestiun è la Chanzlia federala.

Chanzlia federala
Secziun communicaziun
Chasa federala vest
3003 Berna
E-mail: feedback@ch.ch

Per colliar Vossas paginas cun il portal pudais Vus duvrar il logo dal portal.