As drizzai a l'uffizi da construcziun da la vischnanca, en la quala sa chatta Vossa chasa/Voss terren per vegnir a savair, sche Voss project basegna ina permissiun da construcziun. As infurmai ad uras. Sche Vus planisais da bajegiar in nov edifizi, stuais Vus en mintga cas inoltrar ina dumonda da construcziun. 

Suenter che la dumonda da construcziun è vegnida inoltrada a l'uffizi da construcziun da la vischnanca, vegn ella examinada e rendida publica. Questa publicaziun infurmescha tranter auter davart ils termins per in'eventuala protesta. Sch'in project da construcziun violescha interess publics u privats, en spezial interess da vischin, po vegnir fatga ina protesta cunter quest project entaifer il termin inditgà. L'uffizi communal da construcziun As dat infurmaziuns pli detagliadas davart il proceder.