Votaziuns naziunalas, chantunalas e communalas

VoteInfo unescha tut las infurmaziuns davart las votaziuns uffizialas da Confederaziun, da chantuns e da vischnancas. L'app è svelta, simpla e fidada. Avant las votaziuns chattais Vus explicaziuns e videos explicativs dal Cussegl federal sco er da las autoritads chantunalas e communalas. Persequitai la dumengia da votaziun a partir da las 12.00 cuntinuadamain ils resultats intermediars actualisads. U As laschai infurmar per messadi da push immediatamain davart ils resultats finals uffizials.

Elecziuns federales

VoteInfo As ha er infurmà davart las elecziuns federalas dals 22 d'october 2023. Chattai las infurmaziuns las pli impurtantas davart il parlament, las candidatas ed ils candidats sco er las reglas che valevan a chaschun da l'elecziun en l’archiv da l’app. Il di da las elecziuns As ha VoteInfo ultra da quai furnì ils nums da las persunas ch'èn vegnidas elegidas en il Cussegl naziunal ed en il Cussegl dals chantuns.