• Tut las lavurantas e tut ils lavurants da l’exteriur ch’èn domiciliads en Svizra – danor las titularas ed ils titulars d’ina permissiun da dimora (permissiun C) e las persunas che han ina conjugala u in conjugal cun il passaport svizzer u cun ina permissiun C.

• Persunas domiciliadas a l’exteriur che gudognan en Svizra ina paja per lavur (p.ex. cunfinarias, dimorants durant l’emna, referentas, sportists, artistas)

Ils ulteriurs pajataglias empleneschan ina decleraziun da taglia e ston pajar taglia tenor la procedura regulara da taxaziun.

Vossa patruna u Voss patrun deducescha l’import da taglia debità mintga mais da Voss salari. Sche Vus survegnis prestaziuns d’ina assicuranza u d’ina cassa da pensiun, vegn l’import deducì da las prestaziuns. L’import deducì vegn transferì a l’administraziun chantunala da taglia. El cumpiglia las taglias sin las entradas da la Confederaziun, dal chantun e da la vischnanca. Sche Vus pajais la taglia a la funtauna, na stuais Vus emplenir nagina decleraziun da taglia.

Las tariffas a la funtauna varieschan da chantun a chantun. Dapli vegnis Vus a savair tar l’administraziun chantunala da taglia.