Avais Vus in nov chaun? Alura al stuais Vus annunziar tar la vischnanca da domicil ((LINK)). La vischnanca registrescha alura Vus e Voss chaun en la banca da datas AMICUS ed As dat ina ID. En questa banca da datas èn registradas tut las possessuras e tut ils possessurs da chauns da la Svizra e lur chauns. Er midadas da chasa, da possessur u la mort dal chaun vegnan registradas da la vischnanca.
- Nagins resultats
Cura che Voss chaun è registrà (guardar survart) survegnis Vus da Vossa vischnanca da domicil u da Voss chantun in quint annual per la taglia da chauns. L’autezza da la taglia po variar da vischnanca a vischnanca. Ella importa dentant var 100 fin 200 francs. La taglia po er variar tut tenor la grondezza ed il pais dal chaun. Chauns per tschorvs e chauns da salvament èn savens deliberads da la taglia. Bleras vischnancas prevesan ultra da quai reducziuns per chauns da guardia da bains purils.
AMICUS – banca da datas Svizra da chauns