La Revista Svizra
La Revista Svizra è in magazin per Svizras e Svizzers a l'exteriur. Ella vegn edida da l’Organisaziun da las Svizras e dals Svizzers a l'exteriur (OSE) SwissCommunity per incumbensa da la Confederaziun. Questa revista cumpara sis giadas l'onn en tudestg, en franzos, en englais ed en spagnol. Ella infurmescha davart temas ch'èn relevants per las Svizras ed ils Svizzers a l'exteriur. Vus retschavais automaticamain l'ediziun online, sche Vus essas As annunziada u annunzià tar ina represchentanza svizra a l'exteriur ed avais inditgà Vossa adressa dad e-mail.
Chargiar giu l'applicaziun:
Chargiar giu la Revista Svizra per l'IPhone
Chargiar giu la Revista Svizra per Android
La newsletter da la SwissCommunity
La newsletter da l'Organisaziun da las Svizras e dals Svizzers a l'exteriur SwissCommunity vegn tramessa sis giadas l'onn en tudestg ed en franzos. Ella tracta temas actuals e politics che pertutgan las Svizras ed ils Svizzers a l'exteriur. Ultra da quai cuntegna ella infurmaziuns davart la politica svizra. Per questa newsletter pudais Vus As registrar gratuitamain.
SWI swissinfo.ch
SWI swissinfo.ch è il servetsch internaziunal da la Societad Svizra da Radio e Televisiun (SSR) che publitgescha infurmaziuns e reportaschas independentas davart la Svizra. Swissinfo sa drizza ad in public ester en diesch linguas (englais, tudestg, franzos, talian, spagnol, portugais, russ, arab, chinais e giapunais).
Chargiar giu l'applicaziun:
Chargar giu SWI plus per l'IPhone
Chargiar giu SWI plus per Android
About Switzerland
La pagina d’internet About Switzerland dal Departament federal d’affars exteriurs porscha in’introducziun en numerus temas pertutgant la Svizra. Qua chattais Vus en particular infurmaziuns davart il sistem politic, l’economia, l’ambient u er l’educaziun e la cultura.
L'Organisazun da las Svizras e dals Svizzers a l'exteriur (OSE) creescha raits tranter las Svizras ed ils Svizzers a l'exteriur. Sin la plattafurma swisscommunity.org porscha l'organisaziun ina gronda paletta da servetschs. Questa plattafurma permetta a las Svizras ed als Svizzers a l'exteriur da barattar infurmaziuns e da mantegnair contacts sin l'entir mund.
A l'exteriur datti passa 650 associaziuns ed instituziuns svizras. Chattai qua Vossa uniun svizra a l'exteriur.
I dat 17 scolas svizras a l'exteriur. Ellas porschan ina scolaziun tenor il model svizzer. Sin la pagina d'internet dal Departament federal d'affars exteriurs vegnis Vus a savair dapli davart las scolas svizras sin l'entir mund.
educationsuisse sustegna ils giuvenils svizzers a l'exteriur en connex cun lur scolaziun. Questa uniun è la centrala da la rait mundiala da las scolas svizras a l'exteriur. Ultra da quai cusseglia ella er ils giuvens svizzers a l'exteriur che vulan absolver ina scolaziun en Svizra.
Champs da vacanzas per uffants tranter 8 e 14 onns
Creschan Voss uffants si a l'exteriur e vulais Vus ch'els possian crear in liom cun lur pajais d'origin? La Fundaziun per ils uffants svizzers a l'exteriur organisescha champs da vacanzas en Svizra per uffants svizzers a l'exteriur. Uschia pon ils uffants passentar las vacanzas en lur pajais d'origin, independentamain da lur situaziun finanziala. Grazia a quests champs pon ils uffants far novas amicizias cun uffants svizzers che vivan en tuttas parts dal mund.
Purschida per giuvenils da 15 fin 25 onns
SwissCommunity permetta a persunas giuvnas svizras a l'exteriur d'emprender d'enconuscher meglier lur pajais d'origin. L'organisaziun porscha differents champs da stad e d'enviern en Svizra sco er curs da lingua online.
Las purschidas da l'Organisaziun da las Svizras e dals Svizzers a l'exteriur SwissCommunity
Las novitads da la Svizra per in public internaziunal sin swissinfo.ch
Glista da las scolas svizras a l'exteriur dad educationsuisse
Sa registrar tar ina represchentanza svizra a l'exteriur
Pro Helvetia sustegna l'art e la cultura svizra en Svizra ed a l'exteriur.
Swissnex è la rait mundiala svizra ch'è responsabla per crear lioms en las domenas da la scolaziun, da la retschertga e da l'innovaziun.